დღეს კომპანიის საქმიანობა რამდენიმე მიმართულებას აერთიანებს: ღვინისა და ალკოჰოლური სასმელების წარმოებას, სტუმარ-მასპინძლობას – ღვინის ტურიზმს, აგრონომიულ საქმიანობას, დეველოპმენტს და საკონსერვო წარმოებას ბრენდი „ნენა“-ს ნიშნით, რომელიც ქართულ ნატურალურ პროდუქციას აწარმოებს.
დღესდღეობით, „კახური ტრადიციული მეღვინეობა“ საქართველოში ერთ-ერთი უმსხვილესი ღვინისა და სპირტიანი სასმელების მწარმოებელი კომპანიაა, სადაც 2500-ზე მეტი ადამიანია დასაქმებული. „კახური ტრადიციული მეღვინეობა“ ფლობს ღვინისა და სპირტიანი სასმელების 7 მაღაზია-სალონს, ღვინის 3 საწარმოს, ხილისა და თაფლის გადამამუშავებელ 2 საწარმოს, 3 რესტორანს, 2 სასტუმროსა და 1 შატოს.