„მთელი ჩემი ცხოვრება, შეიძლება ითქვას, რომ ყურძენსა და ღვინოს უკავშირდება. ჩვენს ოჯახში ვაზის კულტურასა და ქართული ღვინის კულტს თავიდანვე მნიშვნელოვანი ადგილი ეჭირა. ალბათ, სწორედ ამ ფაქტორმა განაპირობა ის, რომ გადავწვიტე, ქართული მეღვინეობის განვითარებაში საკუთარი წვლილი შემეტანა. 2001 წელს, როდესაც კომპანია „კახური ტრადიციული მეღვინეობა“ დავაარსე და ჯერ კიდევ ახალგაზრდა მეღვინე ვიყავი, ჩემში აღტაცებასა და აღფრთოვანებას იწვევდა ქართული ვაზის უსაზღვრო შესაძლებლობები, გემოები და არომატები, რომელსაც ყოველი ახალი ჯიშის ყურძნის დაწურვისას ვგრძნობდი და ასე გრძელდება დღემდე.

კომპანიამ „კახური ტრადიციული მეღვინეობა“ საკმაოდ საინტერესო და გრძელი გზა განვლო და ამ დროის განმავლობაში KTW ჯგუფმა ჰოლდინგის სტატუსი მოიპოვა. ჩემთვის საამაყოა, რომ KTW ჯგუფში დაახლოებით 2500-ზე მეტი ადამიანია დასაქმებული, რომლებიც მათი კომპეტენციის ფარგლებში ქმნიან იმ სანდო ღირებულებებს, რასაც „კახური ტრადიციული მეღვინეობა“ წარმოადგენს. ჩვენი ჯგუფი ორიენტირებულია ხარისხზე, ქართული ტრადიციებისა და თანამედროვე ტექნოლოგიების შერწყმის ბალანსზე, რათა, პირველ რიგში, პირნათელები ვიყოთ ჩვენს მომხმარებლებთან, მუდმივად შევთავაზოთ მათ სიახლეები და შევინარჩუნოთ ქართული სული ჩვენს თითოეულ პროდუქტში"