სასმელი მზადდება ყურძნის ჭაჭისაგან, ტრადიციული ქართული მეთოდის გამოყენებით, რომელიც დასაბამს კახეთიდან იღებს. კლასიკური მეთოდის მიხედვით, ყურძნის ჭაჭა ღვინოსთან ერთად ზამთრის პერიოდში ქვევრში ინახება, ხოლო გაზაფხულზე ხდება მისი ქვევრიდან გადმოღება და გამოხდა, ადრეულ პერიოდში ქვის, ახლა კი უკვე სპილენძის ჭურჭელში. ჭაჭა გამოხდის შემდეგ დავარგებულია ახლად მოკრეფილი ტარხუნის ფოთლებზე ექვსი თვის განმავლობაში, რაც მას მომწვანო შეფერილობასა და მენთოლის ნაზ არომატს სძენს.