გურული მეღვინეობის პოპულარიზაციისა და მაღალი ხარისხის ღვინის წარმოების მიზნით, KTW ჯგუფმა 2021 წელს შატო ასკანა ააშენა. შატო ასკანაში ღვინო ევროპული მეთოდით იწარმოება, ცქრიალა ღვინო კი - კლასიკური მეთოდით, რომელიც მუხის კასრებში ძველდება.

შატო ასკანაში ღვინო გამორჩეული ყურძნის ჯიშებისგან მზადდება, რომელიც როგორც გურიაში, ასევე საქართველოს სხვა რეგიონებშია მოწეული: გურია - საკმიელა, ცოლიკოური და ჩხავერი. იმერეთი - ცოლიკოური და კრახუნა. რაჭა-ლეჩხუმი - ცოლიკოური. აჭარა - ჩხავერი. უნდა აღინიშნოს, რომ ჩხავერის ყურძნის ჯიშისგან როგორც თეთრი, ისე ვარდისფერი ღვინო იწარმოება.

შატოში ცქრიალა ღვინის დაძველება მინიმუმ 1,5-2 წლის, მაქსიმუმ - 4-5 წლის განმავლობაში გრძელდება. წყნარი ღვინო კი, 6-7 თვის შუალედში იწარმოება.

რთვლის განმავლობაში, შატო ასკანის საწარმო 100-1200 ტონა ყურძენს გადაამუშავებს. 

შატო ასკანა - გურული მეღვინეობის ხვალინდელი დღე!

გურამიშვილის მარანი საგურამოში, თბილისიდან 30 წუთის სავალ გზაზე მდებარეობს. ამ ადგილს განსაკუთრებული ისტორიული მნიშვნელობა აქვს. ეს არის მარანი, სადაც კომპანია მაღალი ხარისხის მშვიდ და ცქრიალა ღვინოს აწარმოებს. მარანი ცნობილი ქართველი საზოგადო მოღვაწის, ილია ჭავჭავაძის ოჯახს ეკუთვნოდა. დიდი ძალისხმევის შედეგად უძველეს მარანთან ერთად KTW ჯგუფმა საღვინე ვაზის იშვიათი ენდემური ჯიშები აღადგინა.

დღეს, გურამიშვილის მარანი ღვინოს და კლასიკური მეთოდით ცქრიალა ღვინოს რეგულარულად აწარმოებს. მარნის ძირითადი მიმართულება იშვიათი, ენდემური ყურძნის ჯიშისგან ღვინის წარმოებაა, რომელიც შერეულია ევროპულ ტრადიციულ მეთოდებთან (მუხის კასრებში და შამპანურის ტრადიციული მეთოდით).

საწარმოს ერთ დღეში 110 ტონა ყურძნის მიღებისა და გადამუშავების შესაძლებლობა აქვს. ერთ საათში კი, 700-700 ბოთლ ღვინოსა და ცქრიალა ღვინოს აწარმოებს.

ველისციხის ვერანდა კახეთში, სოფელ ველისციხეში მდებარეობს, რომელიც 1500 წლიან ისტორიას ითვლის. მარანი აშენებულია კომპანიის დამფუძნებლის, ზურაბ ჩხაიძის ბებიის ბაღში, რაც, თავის მხრივ, აქაურ ისტორიასა და ტრადიციებს მეტად ხელშესახებად აქცევს. 

ვერანდის მარანში მიწაში 20 ქვევრია ჩაფლული, რომელთა საერთო ტევადობა 40 ტონას შეადგენს. აქ ღვინის დაგემოვნება პირდაპირ ქვევრიდანაა შესაძლებელი. „ველისციხის ვერანდის“ „საფერავი ქვევრი“ ამაყად წარმოადგენს KTW ჯგუფისა და მთლიანად საქართველოს სახელს საფრანგეთში, კერძოდ ქალაქ ბორდოში, სადაც ის ღვინის ცივილიზაციის მუზეუმის (La Cité du Vin) სადეგუსტაციო დარბაზშია წარმოდგენილი. 

„ველისციხის ვერანდის“ სტუმრებს ქართულ კულინარიულ მასტერკლასებში მონაწილეობის მიღების შესაძლებლობაც აქვთ: კახური „შოთის“ (ქართული პური) გამოცხობა, ჩურჩხელის (ქართული ტრადიციული ტკბილეული) ამოვლება და სხვა.