სასმელი მზადდება ყურძნის ჭაჭისაგან, ტრადიციული ქართული მეთოდით, რომელიც დასაბამს კახეთიდან იღებს. კლასიკური მეთოდის მიხედვით, ყურძნის ჭაჭა, ღვინოსთან ერთად, ზამთრის პერიოდში ქვევრში ინახება. გაზაფხულზე ამოიღებენ ქვევრიდან და გამოხდიან. ძველად ეს ხდებოდა ქვის, ახლა კი, უკვე – სპილენძის ჭურჭელში.
ტარხუნა ჭაჭას მომწვანო შეფერილობასა და სასიამოვნო არომატს სძენს. რეკომენდებულია მიირთვათ ცივად, კახური ზეთით შეკაზმულ ქართულ ბოსტნეულთან ერთად.
